كباري للمشاة يا أمانة جدة
كباري للمشاة يا أمانة جدة
فتحي حلواني
شايفة يا أم فتو كيف صار شارع فلسطين خط رئيسي واحد يربط الشرق بالغرب والعكس.. هدا غير الشوارع التانية اللي طوروها زي شارع السبعين وشارع الستين وطريق المدينة وشارع الأندلس يعني الحمد لله الدولة ما قصرت سوت كل هادي المشاريع الخاصة بالطرق من كباري وأنفاق عشان راحة المواطن.. ايوه شايفة.. بس يا سيدي أصحاب السيارات بيمشوا في هادي الشوارع زي الصواريخ؟، هادي مصيبتنا في البلد من بعض أصحاب السيارات الطايشين ما يصدقوا يلاقوا خط مفتوح إلا وتلاقيهم مصفرين الطبلون كأنهم ما يشوفوا ولا يسمعوا عن الحوادث اللي بتنشرها الجرايد كل يوم واللي بيروح فيها ناس كتير وكله من تحت رأس السرعة الجنونية من بعض أصحاب السيارات.. لكن الواحد ايش يقول إلا الله يهديهم ويصلحهم ويعرفوا انه دي المشاريع اللي سوتها الدولة وخسرت فيها ملايين الريالات ما سوتها إلا عشان راحتهم وما سوتها عشان ينهوا حياتهم بحوادث هما السبب الرئيسي فيها بسرعتهم الجنونية اللي مالها لزمة.. وعشان كدا بقول ياحبايب على مهلكم وخلوا بالكم من الطرق السريعة وطبقوا في حياتكم المثل اللي بيقول (في التأني السلامة وفي العجلة الندامة)، لكن ما نقول إلا الله يهدي ما خلق.. طيب ياسيدي امشي على مهلك شكلوا في حادث قدامك.. يالطيف ألطف سيارات مجنبة وناس ياكترهم جالسين يتفرجوا وسيارة الإسعاف كمان موجودة وأسأل واحد من الناس.. ايش فيه عسى خير يا أخينا؟.. واحد مات صدمتوا سيارة كان يبغى يعدي الشارع.. لا حول ولا قوة إلا بالله، شايفة كيف يا أم فتو هو دا اللي كنت خايف منه حتكتر الحوادث في هادي الشوارع طالما ما في كباري مشاة في هادي الشوارع الجديدة، عشان كدا بقول وبالفم المليان يا مسؤولين يا أصحاب القرار لازم يكون فيه جسور للمشاة في هادي الشوارع عشان الناس والطلاب والطالبات يعرفوا يقطعوا ويمشوا في هادي الشوارع براحة وطمأنينة ونحميهم ونحمي حياتهم من بعض أصحاب السيارت اللي ما يهمهم إلا كيف يصفي الواحد منهم الطبلون .. وعيشوا كتيييييير تشوفوا كتييييير.
المصدر: صحيفة عكاظ
فتحي حلواني
شايفة يا أم فتو كيف صار شارع فلسطين خط رئيسي واحد يربط الشرق بالغرب والعكس.. هدا غير الشوارع التانية اللي طوروها زي شارع السبعين وشارع الستين وطريق المدينة وشارع الأندلس يعني الحمد لله الدولة ما قصرت سوت كل هادي المشاريع الخاصة بالطرق من كباري وأنفاق عشان راحة المواطن.. ايوه شايفة.. بس يا سيدي أصحاب السيارات بيمشوا في هادي الشوارع زي الصواريخ؟، هادي مصيبتنا في البلد من بعض أصحاب السيارات الطايشين ما يصدقوا يلاقوا خط مفتوح إلا وتلاقيهم مصفرين الطبلون كأنهم ما يشوفوا ولا يسمعوا عن الحوادث اللي بتنشرها الجرايد كل يوم واللي بيروح فيها ناس كتير وكله من تحت رأس السرعة الجنونية من بعض أصحاب السيارات.. لكن الواحد ايش يقول إلا الله يهديهم ويصلحهم ويعرفوا انه دي المشاريع اللي سوتها الدولة وخسرت فيها ملايين الريالات ما سوتها إلا عشان راحتهم وما سوتها عشان ينهوا حياتهم بحوادث هما السبب الرئيسي فيها بسرعتهم الجنونية اللي مالها لزمة.. وعشان كدا بقول ياحبايب على مهلكم وخلوا بالكم من الطرق السريعة وطبقوا في حياتكم المثل اللي بيقول (في التأني السلامة وفي العجلة الندامة)، لكن ما نقول إلا الله يهدي ما خلق.. طيب ياسيدي امشي على مهلك شكلوا في حادث قدامك.. يالطيف ألطف سيارات مجنبة وناس ياكترهم جالسين يتفرجوا وسيارة الإسعاف كمان موجودة وأسأل واحد من الناس.. ايش فيه عسى خير يا أخينا؟.. واحد مات صدمتوا سيارة كان يبغى يعدي الشارع.. لا حول ولا قوة إلا بالله، شايفة كيف يا أم فتو هو دا اللي كنت خايف منه حتكتر الحوادث في هادي الشوارع طالما ما في كباري مشاة في هادي الشوارع الجديدة، عشان كدا بقول وبالفم المليان يا مسؤولين يا أصحاب القرار لازم يكون فيه جسور للمشاة في هادي الشوارع عشان الناس والطلاب والطالبات يعرفوا يقطعوا ويمشوا في هادي الشوارع براحة وطمأنينة ونحميهم ونحمي حياتهم من بعض أصحاب السيارت اللي ما يهمهم إلا كيف يصفي الواحد منهم الطبلون .. وعيشوا كتيييييير تشوفوا كتييييير.
المصدر: صحيفة عكاظ